主禮：劉耀義傳道
題目:《浪子回頭》
經文:路加福音15:25-31
聖詩:149b/313/513
宣召：詩篇106篇1節
啟應文：22
今仔日咱所讀的這個經文，是咱真熟的故事：「浪子回頭」這個故事也有可能是基督教在這個世上尚多人災影的其中一個故事。真多的講師，抑是牧師已經講到可能在在座的您，有的人甚至熟到可當背出來阿。為什麼這個超越兩千多年的故事可當到佇今仔日擱繼續影響咱的生活與信仰？
這個故事了不起，超越兩千多年經過生活方式與風俗的改變，伊的精神擱會當互咱感動，甚至流目屎。這個故事超越語言的限制，超越時空的限制，從耶穌的嘴講出來，在那個短短的幾分鐘內面，卻到佇今仔日iàu-koh在摸到咱的心
為什麼一個故事可當作到這款了不起的代誌，咱要先來了解什麼是故事。
上帝把祂自身的信、希望、仁愛放佇人的心內，人所講出來的故事就有信、希望、仁愛的本質，是與上帝相結連、來反映出上帝的(te̍k-chit)。
故事可以把人類的形像神學化、可以改變人類的心靈、勝過痛苦與死亡，是因為故事內面展現了愛的力量，可當打破時間、打破人與人的疏離( keh-lī)，帶給人生命的希望。〈故事之所以會當帶互人對未來有盼望、讓人在苦難時有活下去的動力(tōng-le̍k)，是因為故事中有信、望、愛，這信、望、愛是上帝互人的生命的特質，也是人性的故事。故事是上帝給人的禮物，互人類能在白賊與壞的故事的內容，也可當領受真理也見證善與美；信心和失望的故事，希望和絕望的故事，愛和互相攻擊的故事，這類的故事應是神學的主要來源，讓人來思考自己的生命與上帝的關聯。
咱的生命不只是一個故事，是人與人的故事。咱可當拿亞伯拉罕獻以撒、耶穌受難的故事來舉例，來說明「一個故事中，不只有單一的故事而已」。美國一位罹患癌症的年輕女子艾莉莎．帕雷蒂(Alicia Parlette)的故事，對照聖經中血漏(hiat-lāu)的婦女被耶穌醫治的故事，這兩個故事因著相信上帝所以結連作伙；雖然人會死，擱看起來死是在諷刺(khau-sé)上帝的創造與生命，但是耶穌受難的故事卻把死咖轉變來變做生命，互咱的生命的死便做與耶穌基督永遠活。
故事是世界的開始、是上帝的創造大的氣力，所以在各所在的不同的故事就親像是上帝的靈運行在世界的各個所在。故事互人對上帝能因為在不同的所在所以有不同的體悟，人在相互交流故事時能互人有更咖多在生活上的可能性與更開闊的心胸( sim-heng )。所以講，每一個在地的故事都有著神學的面向，愈豐富的故事與愈多愈不同的語言，就愈能表現出有關上帝的特質，來闡明(chhián-bêng)從上帝來的信、望、愛到底如何在我們的文化中呈現。人類的世界是故事的世界。
在咱現今的生活裡面，也充滿故事，不管是世間情、風水世家，抑是韓國的來自星星的你，或是那些電影閨密等等，最重要的是抑是故事。在不同故事裡面，咱攏會學到不同的東西。咱會將咱自己來放進去某一個角色，互咱的心情快樂，苦痛、病疼得到認同，甚至是壞的主角去互人好勢，抑是省判的時，咱會感覺真爽快。這就是故事的氣力，耶穌就是在用故事在講真理，故事不是要來審判咱，但是可當互咱來思考咱與上帝的關係，咱的信仰層次到哪一種的程度。
咱擱回來看耶穌所講浪子回頭這個故事。這個故事裡面有三個角色，當咱在讀的時陣，咱攏惠先注意到這個細漢子，這個浪子。咱首先會注意到他真正是辜負他老父對他的愛，在他老父iau-beh過往的時，就給老父討要分財產。這對咱來講真正是想像不到的ge̍k-chú，在台灣是真正的不肖的代誌。咖那是要咒詛他老父快僅死同款。
咱就是那個ge̍k-chú，咱常常抓住上帝的恩典，擱路常常忘記上帝互咱的恩典是那麼大。咱抓住恩典，就離開天父上帝，直到咱落魄(lo̍k-phek)抑是遇到患難、苦難的時，咱才擱回來主的面前。阿納講不是代表咱不當回來到主的面前，抑是咱會有那種沒資格擱回來主的面前的想法，不是阿那，但是咱要抱著那種咱的天父每一天攏站在門口，再等咱回去的想法。
當咱每一次拿蔗靠自己就可當的這種想法，其實就是咱在擱不災影、無小意的中間，已經拿著老父的恩典來過活。雖然咱沒親向浪子所做的那些不好的代誌，但是要會記得，當咱忘記著上帝的恩典萊離開天父上帝，就是親像浪子對他的老父講『阿爸啊，將我應得的業分互我。』
一句簡單的話，卻拆離老父與子的關係，這句話哪是在咱台灣來講，就是斷絕父子的關係。他們的關係就已經是死阿，對子來講他沒老父阿。但是超越咱人所想像會到的，雖然親向是關係已經死去的，但是老父的愛超越這個已經死去的關係，他么擱每日在等待他的子回來。這就是天父超越死的愛，也就是耶穌基督為著愛咱來死佇十字架頂。這個愛超越死亡的權勢，互死亡不是咱人生的終站，咱人生的終站是要與天父、與耶穌基督、與聖神，與咱所有所愛那些已經在那些在等咱的天國、的上帝國做伙快樂生活。咱當愛去對那些不災影天父，已永遠的愛在等咱回來到他的面前的人，來宣揚這個好消息，互他們當作夥享受超越死亡的疼。
不擱雖然天父已慈愛的疼永遠在等咱，對那些已經災影自己的最真重的人，他豈可當有浪子的勇氣來回去嗎？
要來承認自己的錯誤是需要勇氣的。人一定著愛在沒辦法的中間，才來向上的來悔改嗎？
後來這個細漢子甚至去山裡飼豬，在猶太的傳統內面，豬互人看做是無清氣的，甚至飼豬的猶太人互人看做是受咒詛的人，簡單來講，就是互人放棄已經無互人看做是猶太人阿。甚至餓到連豬再吃的豆莢，人也不要互他吃。一個無有厝，無朋友，無尊嚴的人已經無有任何法度阿。到家來，人在最後才會發現，人無法度靠自己來就自己，只有上帝可當救咱。
在台灣早期甚至到佇現在真多人的見證攏是四處黑白拜，拜咖無法度，才有人與他們講，去拜耶穌。耶穌講：「我就是路、是真理、是活命；若無對我，就無人就近父。」至少到後來浪子有照信仰下去行，他擱有勇氣回來到老父那裡，抓住他唯一生存的機會。
咱豈有勇氣回來咱所愛的天父的面前？
咱擱回頭來想老父這個角色，咱是不是曾經歷過傷害，咱所疼的人卻真深的來傷害咱？
咱就是那個受到細漢仔傷害的老父。不擱咱豈可當親像這個老父同款，雖然受到相害，他么擱每一天攏站在門口，等待那個已經斷絕關係的細漢仔回來？這需要勇氣。咱人的愛，攏會期待別人以同款的愛來回應咱。當咱無受到同款的愛的款待，咱就會受到傷害。這是咱人的本性，是非常正常的。甚至是親像浪子回頭這個故事內面，咱beh受到這款大的傷害嗎？
在咱最親近的人，咱beh有可能互他傷害最深，抑是咱曾傷害到尚親近咱的人。有可能是一句無小意講出傷人的話語，有可能是尚過生氣至到咱發聖地來傷害到別人，有可能是為著咱所疼的人好所要講出來的話，卻傷害他尚深。我想在咱攏一定有經歷過這款的代誌，不管是條工抑是不小心的傷害，在咱的生命中攏已經留下無法度來忘記的陰影( im-iáⁿ)、的苦難。
這個苦難就親像是老父沒有子，子沒有老父，本來是骨肉的關係，卻便做親向路邊經過無認識，不會去打招呼的人。關係的斷絕親向是已經死阿。咱豈可當來學習老父的愛，超越死亡的愛。當老父在等咱回去，也是在邀請咱來學他的款示，就親向是主導文內面所講的，赦免阮的辜負，親像阮亦有赦免辜負阮的人。赦免發生在咱互相赦免的時陣。咱饒赦別人，其實是在饒赦自己。
咱豈有勇氣成為一個願意饒赦傷害咱的人？
浪子回頭這個故事原本是兩個人個苦難，老父失去子，子失去作人的尊嚴。但是老父的愛，互這個苦難成為是有意義的。天父上帝的饒恕是因為他原本就是是愛，而不是人作了甚麼來顯出上帝的愛。
哪不是老父愛他的子到這樣，他豈可當隨時就在真遠的所在就看到他的細漢仔嗎？有可能就是每一天攏在門口的所在在等他等來，所以浪子的回頭是因為老父本來就是愛，不是他悔改才愛他。這個互苦難有意義的愛，互一個親向已經死去的關係，從死復活。從失落擱得著。
這個原本是happy ending快樂的結局，應該是一個真水的故事，卻因為大子變做真緊張的代誌。咱就是那個大子。當咱每一次看到咱的兄弟白白拿恩典來隨便使用，到家來無法度來生存擱一次回來的時，咱會感覺不爽快，因為他已經用完他的份接著要使用咱原本應該有的份的時，咱可能會親向大子同款來 khioh-hūn 。抑是講，咱忘記著上帝的恩典不只是屬於咱的，擱路咖屬於那些弱勢、至微小的。就親像在投影片的這副圖，咱人所講的公平就是每一個人攏有一個箱子，但是上帝所講的公義照顧弱小、至微小的，是多互一個箱子互擱咖弱勢的。這個細漢仔與大子就攏可當同做夥歡喜快樂阿。
在咱人生不同的階段，咱攏扮演不同的角色，有時陣咱是忘記著上帝的浪子，有時陣咱是那個受到傷害的老父，擱有個時陣咱是那個 khioh-hūn 的大子。到最後這個浪子回頭的故事干那沒有happy ending，因為當老父講了『子啊！你常常及我佇，凡我所有的攏是你的；32若是你此個小弟死有復活，失落有閣得著，咱應該著歡喜快樂。』之後，沒擱有講到大子的反應。咖那大子不爽來回應，互這個故事留下一個沒解決的問題。這種緊張性會繼續留在咱的心內，咱會來想講，到底這個緊張性要怎樣來解決。
這個沒有得到解決的問題其實是要邀請咱，在與咱講，在聽到這個浪子回頭的故事，那個大子沒有做出來的動作，是咱要來去做的。咱要來互相諒解、互相了解、彼此體貼彼此的不足，用愛來包容。
當浪子已經回頭阿，當老父已經要邀請大家作伙為著細漢子的從失落有擱得救的來快樂，大子的反應是無歡喜快樂，當咱每一次在讀在老父所講的『子啊！你常常及我佇，凡我所有的攏是你的；32若是你此個小弟死有復活，失落有閣得著，咱應該著歡喜快樂。』 就是在邀請咱作伙來寫這個故事，互咱不只是聽，擱可當聽到soah用咱自己的生命來活出這個浪子回頭的Happy ending快樂的結局的故事。
咱成為一個基督徒，就是一個在見證上帝的故事。那些未信者攏在看咱用生命在活出來的故事。咱攏有相信上帝揀選咱來成為他的門徒是因為他愛咱，不是咱有多好所以可當成做一個基督徒。咱攏有相信上帝使用彰化教會要做彰化這個地區的見證，地上的光與鹽。是要在咱站起的所在來寫出美麗的故事與見證。在我八月一號來到教會的時，我有向敏惠幹事來討有關教會歷史的書。我在彰化教會一百周年的紀念冊裡面，讀到真多人真水的見證。最重要的是我有讀到。彰化教會一開始就是在患難中，在人的壓迫中來生出來的。對咱今仔日來看是一個真水的故事，不擱對宣教士來講，他們是要付出他們的生命來起造彰化教會。
他們用他們的生命來起造真水彰化教會。到在2014的今仔日，彰化教會的故事iau擱在寫，咱的每一個付出，每一次用心準備的服事、獻詩、見證分享、講道、煮飯、維持教會的清潔、指揮交通、開車、為著教會大小項代誌來開會來操煩、甚至是來到教會做禮拜的每一個人，攏在寫彰化教會的故事。耶穌透過浪子回頭的故事，在與咱講失落有擱得到，就是一種的從死復活，就是一種應該著歡喜快樂的代誌。祂在邀請咱每一個人用歡喜快樂的生命來活出、寫出彰化教會的故事。
咱有時陣是浪子，忘記著上帝的恩典，拿住靠自己就可當過了好勢的生活。咱有時陣是老父，去互咱所疼的人、的兄弟姊妹來傷害到，流目屎在等待擱和的那一天。咱有時陣是大子，忘記著上帝的恩典不只是屬於咱，抑是屬於那些心靈與肉體( jio̍k-thé)需要咱去關心的兄弟姊妹。
在人生不同款的階段咱屬於不同的腳色，咱會傷害別人，也會受到傷害，咱要學習對赦免人，咱要得到赦免。咱永遠不當忘記著，上帝的恩典就是愛，當咱互相相愛，上帝國就已經在咱彰化教會阿。當咱來用咱的生命、用愛來寫出彰化教會美好的故事與見證，來成為和平的器具，別人就災咱是耶穌基督的門徒。咱來用聖法蘭西斯的祈禱文來祈禱。
聖法蘭西斯的祈禱
主阿，求祢助我成做祢和平的器具
在有怨恨的所在，撒仁愛的種籽
有分裂的所在，撒合一的種籽
有錯誤的所在，撒真理的種籽
有傷害的所在，撒赦免的種籽
有僥疑的所在，撒信心的種籽
有失望的所在，撒盼望的種籽
有烏暗的所在，撒光明的種籽
有憂傷的所在，撒喜樂的種籽
至聖的主阿！
助我卡呣是追求受安慰，是去安慰人
卡呣是受了解，是去了解人
卡呣是受人疼，是去疼別人
因為對互人，阮欲得著
對赦免人，阮欲得赦免
佇喪失性命的時，阮欲得著活到永遠
奉主耶穌基督的名禱告，阿們。
留言列表
見證分享 (4)