主禮：劉耀義傳道
經文：使徒行傳9:3-5；腓立比書2:1-5
啟應文：28
聖詩：64、342、508
宣召：希伯來書十23-25節
在咱的一生中，咱可能攏有想過，人生的意義是什麼？是為著父母的期待嗎？是想要要賺大錢過著享受的生活嗎？是為著互咱的後一代得到哥咖好的栽培嗎？咱的人生只有阿娜niā-niā嗎？延續(iân-sio̍k)後代的確是一件真重要的代誌，台灣人的生命是藉著祖先的崇拜來互自己的生命來延續。所以是在借著延續咱的後代互咱可當來繼續延續咱的生命，這是台灣人藉著崇拜祖先來得到一種的生命的意義。
咱基督徒是認為父母哪是過往，咱擱有一天可當回去天堂來擱相遇，所以咱不用來崇拜祖先。有的人就會想講，阿那我邀為信主的祖先要安怎辦？使徒行傳 10:42伊閣命令阮傳互百姓，干證此個是上帝所立定，做活人、死人的審判司。上帝是活人，也是死人的主。所以咱不用煩惱，阿那咱要煩惱的是什麼伙呢？
咱攏會面對人生的死亡，對咱來講，這是最直接互咱體驗到生命寶貴的所在。哪是咱的生命真寶貴，咱要怎樣活出來呢？
有時陣咱活著只是在活niā-niā，沒有生命應該有的活力與盼望。就親像是植物人，雖然么擱在喘氣，不過沒有生命，互身邊的人真痛苦。也有可能是得到老人痴呆症，真多代誌攏已經姆沒清楚啊，有時陣會來懷疑別人，有的可能會生攻擊別人的事件。在這款情形裡面，咱要安怎才可當明白什麼是生命？
有的人是沒腳沒手，但是比咱大部分的人攏活著擱咖好勢，親像日本的作家乙武洋匡，他因為五體不滿足這本書來出名。擱有近前加督來台灣的立克‧胡哲，也是帶互咱真大的感觸。與他們比起來，咱的人生好腳好手應該要過了真快樂啊。不擱在咱的人生常常遇到挑戰、困苦、痛苦互咱無法度來歡喜快樂的過日子。
好加在咱有耶穌，他互咱的生命有意義。不擱咱要問自己，咱成為一個基督徒，咱的人生的生命要安怎來活出來呢？咱要與上帝、耶穌的愛相遇。咱會想講，咱已經成為一個基督徒幾十年阿，咱已經災什麼是與上帝、與耶穌的愛相遇。
有，咱成為一個基督徒一定會有自己的見證，上帝怎樣拯救咱等等。不擱真實的相遇不是講過去的見證上帝怎樣拯救咱，是講咱活在這個世界、現在你在聽我講道的這個時陣，咱也要與上帝、與耶穌的愛相遇。這種相遇是擱真擱活的，隨時有可能發生在咱的身上。
掃羅沒有求上帝與他相遇，不擱耶穌卻像他來顯現。在這之前他一直在壓迫基督徒，耶穌與他講，我就是你所窘逐的耶穌。這個表示咱每一個基督徒，耶穌攏一直在咱的身邊。另外一個意思就是，耶穌與咱相遇的時間，不是咱可當決定的。
這個真實的相遇，互掃羅便做保羅。原本是一個壓迫基督徒尚厲害的人，甚至想要殺死他們的人，卻變作傳福音尚認真的人。
真實的相遇改變人的生命。咱作伙來想什麼是相遇？安怎的相遇會互咱的生命改變？咱現在(chit-má)來問自己，咱哪是有與上帝、與耶穌的愛相遇，咱的生命甘有改變嗎？
咱與上帝的相遇不只有一種的方式。保羅與上帝相遇是要來傳福音，要來起造教會，要來互教會的紛爭來和解。摩西與上帝相遇是要來帶以色列人來出埃及，互他們得到解放。彼得與上帝相遇，互他從一個漁夫便做教會的石磐。與上帝真實的相遇互人改變。
這不是講咱成為基督徒咖有一次的與上帝相遇，咖有一次改變的機會。咱每時每刻攏有機會與上帝相遇，攏有改變的機會。尤其是咱每一次的禮拜日攏會來到教會做禮拜，這互咱有擱咖大的機會來與上帝相遇，來見到上帝的面。哪是咱每一次攏用心禮拜，把每一個時刻攏看做是與上帝相遇的時，我想你一定會得到上帝那來的感動。
咱已經真習慣做禮拜的，便做是一種schedule，一種的行程。基督徒就是要禮拜日做禮拜咖對。咱也已經真習慣服事阿，不管事品格學校抑是聖歌隊等等。到最後我也有可能真習慣講道阿。習慣會磨去咱的熱情，會互咱當作咱做的代誌只是一個schedule，阿娜到最後咱什麼攏習慣阿，可能連咱的信仰只是一個習慣niā。咱失去咱的熱情，咱對上帝的愛。
因為我是帶三代基督徒，在我細漢的時陣，攏會互我爸爸叫去教會參加主日學、參加聖歌隊、參加青年團契。對我來講，教會是我爸爸叫我去的。後來，我在教會裡面有兩個同年紀的朋友，作夥玩咖真歡喜，我就真愛去教會。教會對我來講，是我與好朋友可當作夥相遇的時陣。每禮拜我攏會期待去教會，可當看到朋友，可當享受與朋友作夥的歡喜。後來教會來新的牧師，他開始對阮一代的青年所栽培，開始新的品格營的事工。我擱可記得在當初的夏令營，我國三的時，牧師頭一次叫我帶學生，叫我講五色毛毛蟲的黃色代表什麼意思。那時陣我被互要求要把故事背起來，但是當我講的時陣，因為尚過緊張，反當什麼代誌攏忘記了。牧師互我第二次的機會，擱互我講一次。這次我就不緊張的，所以我講的真好。牧師就跟我講他頭一次講道的時，因為尚過緊張講不夠十分鐘就下去的。所以對那時之後，我就開始互牧師操練，在教會裡面來服事。
但是尚大的改變是牧師帶我去參加萬國敬拜讚美之後，我頭一次看到有的人真正是用他們生命的熱情在唱詩歌來敬拜上帝。一開始我的想講，甘有需要那個誇張，在那裏用跳的，用話的。到後來韓國的牧師就開始替人祈禱，真多人攏哭真大聲、有的講方言講著真大聲、甚至有個去互鬼附身的在那裏叫著真大聲。我就感覺真恐怖，不災影為什麼他們要阿那做。
直到有一個的晚上我去互上帝來摸到，那種感覺是完全的愛。你沒法度用任何的語言來描述那種完全的愛的感覺，直到我回去團契分享的時，我只可當講你們要互上帝的靈來摸到，講無三句話就哭出來的。那種愛，現在我想起來由原是真強，你哪是有過那種感動，我相信你們的一生絕對勿會忘記著。對我來講，這就是真實的相遇。
這改變我的人生，互我深深相信，咱人在這個世界，是有意義的，是要來互相相愛，是要互咱可當感覺到的那種上帝的愛。因為你哪是去互完全的愛來摸到，你就會去愛別人，因為上帝就是愛。
上帝就是愛，互咱有氣力去愛人。咱哪是有那個愛的熱情，咱攏會期待每一刻每一時攏與咱的愛人相見面。咱攏會渴慕在生活中要來經歷上帝，想要與上帝講話。咱會為著咱每一時、每一刻的喘氣來感謝上帝互咱生命。到最後咱會發現，上帝的愛互咱的生命有意義。與上帝結連做夥，用基督耶穌的心做心，在這個世界上做與耶穌同款的代誌。詩人泰戈爾講了真有意思，人被賦予生命，但須付出生命，才能擁有生命。
咱人的生命不是咱自己可當掌握的，咱不知什麼時陣會斷氣，咱不會什麼時陣咱的心臟會停止。咱的生命是上帝互咱的，咱要互出咱自己的生命，才可當有咱自己的生命。既然咱成為一個基督徒就是要學習基督的款式，付出自己的生命活出耶穌的學生的款式。在約翰福音13:35耶穌有講，恁若相疼，眾人欲對按呢知恁是我的學生。所以疼是耶穌的學生的品格，咱在教品格學校的時，一定要會記得這個尚重要的疼的品格。
咱有時陣在互相相疼的中，也會感覺到那種美，親像是互上帝的愛來摸到的感覺。互相諒解、互相包容、互相擱和，傷害得到完全的醫治。有時陣咱沒法度來愛，來需要上帝的愛先來愛咱，咱才有氣力來疼。有時陣不是咱有才調來疼，是上帝是互咱疼，咱才有法度來諒解，來原諒，來彼此相愛。在約翰一書4:19有講到咱有疼，因為伊代先疼咱。
在我以前的教會有舉辦祈禱會，那時候受到聖神的感動，哭的真大聲，擱去把我的阿姊攬條條，後來她也抱著我做伙哭。哭了我感覺真爽快，我完完全全就是疼我的阿姊。後來我才發現，在成長的過程，在無細意無條迪的中，阮曾彼此傷害過。不擱我與我阿姊攏沒感覺阮曾彼此傷害過，至少不是條工的。我也是真愛我的阿姊阿，我的阿姊也是真愛我阿，哪災在祈禱受到聖神感動的時，卻互相相攬抱著哭。
所以有時人的愛有限，攏無在上帝的愛的內面，咱無法度發現真正完全的愛是親像什麼，在互相相疼的那面，疼人的與互人疼的攏會常常受傷。咱哪是沒有與上帝有真實的相遇，咱就不知道什麼是完全的愛。
在不是講，哪是沒有哭的真大聲，就沒代表講沒與上帝有真實的相遇。後來在我在大學讀書的時，我有參加總會的活動，與日本基督教團與泰國基督教會的青年來進行交流。除了開闊自己的信仰的眼界，知道在不同的文化與國家的基督教所遇到不同的挑戰之後，也知道相同的挑戰，比如講：青年無愛來教會。我也有陪在美國出生的台灣青年去蘭嶼11天，在這11天裡面我因為看到上帝那種創造大自然的氣力與美，去互震撼到。有體驗到在詩篇8:4所記載的：「人是甚麼，你數念伊？人的子是甚麼，你眷顧伊？」這種真深感覺自己真微小卻是上帝所寶貝、所看重，你會認自己的罪。主阿我這麼不配你的疼，為什麼你卻看重我。這是另外一種的相遇，在至大至尊貴的主面前，咱會看見自己的卑微，自己的罪，想要伏拜在主的面前。
上帝是擱真擱活著的，在唱詩歌敬拜的時，咱會互聖神充滿，在上帝創造的大全能的面前，咱會感覺自己的微小。不管怎樣，上帝就是疼咱。咱哪是有阿那的確信，咱就不管遇到什麼代誌、苦難，攏抑是對上帝有信心。因為與上帝真實的愛相遇，咱會發現咱每一個禮拜攏是咱與主相見面的機會，禮拜就應該是有氣力，會互咱感動、留目屎，與咱的上帝有真實相遇。所以禮拜不是習慣，咱不是真習慣自禮拜日要來教會做禮拜，咱是要抓住每一個與上帝相遇的時。
有時陣與上帝的相遇，沒有那裏猛烈互咱感動到哭出來，有時陣是一種平安。所以咱不把與上帝的相遇定義成只是某一種的形式niā-niā。有時陣咱會感覺咱心內的愛多到要滿出來阿，那種愛的感受。所以到家來，咱每一個人與上帝的相遇攏不同。有時陣是不只是相遇，是耶穌與咱一直作夥，陪在咱的身邊。
咱要與別人分享這個好消息，也就是傳福音。在馬太福音28:18耶穌近倚來對講話，講：「天頂地下的權已經攏總互我。19所以，恁著去招萬百姓來做學生，給行洗禮，互歸佇父、子、聖神的名。20見若我所有命令恁的，著教示守，閣我日日及恁佇，到世間的路尾。
所以傳福音互人，是要他們做耶穌的學生、門徒。做耶穌的學生是要來互相相疼的。到後來傳福音不只是在與別人講這個好消息，是咱愛他們，親像耶穌愛他們同款。咱哪是與耶穌同款愛他們，到家來就不只是想要與他們傳福音niā，咱要在互相相疼裡面來看到耶穌與咱做夥歡喜快樂。享受互相相疼的關係，互咱學習主的款式，也就是疼的款式。
咱傳福音的時攏會講耶穌為著愛咱，為著咱世人的罪受釘死在十字架頂，咱攏會常常忽略那個愛，攏受過頭在講罪阿，互人的心頭真沉重。咱攏有罪無不對，不擱咱會渴望想要來到教會做禮拜，是因為耶穌的愛吸引咱。想要與耶穌的愛有真實的相遇。咱哪是在教會做禮拜時無有感覺到耶穌的愛，咱傳的福音哪會有氣力。頭一次來到教會的人不災影詩歌要阿那唱，聖詩、聖經不會翻，咱甘有人陪在他們身邊與他們講要怎樣翻嗎？阿那頭一次來到教會的人甘有可能感覺到上帝的愛？甘有可能與真實的上帝相遇嗎？
其實咱哪是帶著渴慕的心來到上帝的面前，不管環境如何，咱攏會互上帝來摸到，來相遇。有的人一世人攏是基督徒，沒有渴望上帝，只是來作禮拜，上帝有看顧保守，但是與上帝的愛沒有真實的相遇。有的人一世人攏是基督徒，也已經與上帝真實的愛相遇的，一生在追求上帝的真理，認真做上帝的事工，甚至有的人想要死在服事的講台，不是死在病床。有的人一生拿著耶穌基督做中心，在工作的場合來活出耶穌的學生的見證，他們不用特別去傳福音，因為他們活出耶穌基督疼的款式，疼的品格，就會影響他身邊的人想要來接受福音。因為他們活出福音中尚重要的中心的意義，愛。
咱每一天攏要來問自己是哪一個的基督徒，尚重要的是咱甘有基督的疼的形象？在之前真流行一種手環，WWJD，What would Jesus do? 這代表講咱每一天攏在問自己哪是耶穌會怎樣做。不擱尚重要的是，咱要問自己，咱甘有耶穌的愛來愛人。
在一本小說「小屋」裡面，我認為作者寫了真好，上帝創造人的目的是為著要享受真正愛的關係。盼望每一個來到彰化教會的人攏可當在做禮拜的時，與上帝有真實的相遇，擱可當作伙來享受真正愛的關係。盼望在彰化這個地區的人，他們看到咱就講，阮曾因為得到彰化教會的人的幫助，所以我認識到耶穌基督的款式。
咱作伙相與低頭來祈禱：
主阿，
求祢引導阮，
對死亡到永活
對虛假到真理
對絕望到向望
對驚惶到信靠
求祢引導阮，
對怨恨到仁愛
對戰爭到和平
互和平充滿阮的內心
阮的世界
阮的宇宙
求祢賜阮相仝(sio-kâng)作夢
同齊祈禱
同齊做工
來建造一個互全人類
得到和平公義的世界
阮阿那祈禱攏是奉主耶穌基督的名懇求，阿們。
留言列表
見證分享 (4)